1.    მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე და დააბრუნოს საქონელი, მისი მფლობელობაში მიღებიდან 14 (თოთხმეტი) კალენდარული დღის განმავლობაში.
2.    პირველ პუნქტში მითითებული ვადის გასვლასთან ერთად, მომხმარებელი კარგავს ნივთის უპირობოდ უკან დაბრუნების მოთხოვნის უფლებას. 
3.    PMU SHOP მომხმარებლის ხარჯებით უზრუნველყოფს მომხმარებლის მიერ დასაბრუნებელი ნივთის უკან წაღებას თბილისის ტერიტორიაზე 3-5 სამუშაო დღეში, რეგიონების შემთხვევაში ნივთის დაბრუნება მოხდება განაცხადის დაფიქსირებიდან 5-7 სამუშაო დღეში, ხოლო მაღალმთიანი რეგიონის შემთხვევაში 7-10 სამუშაო დღის განმავლობაში.
4.    როგორ უნდა დააფიქსიროთ მოთხოვნა პროდუქტის დაბრუნებაზე?

1)    შეგიძლიათ განაცხადოთ მოთხოვნა წერილობითი სახით PMU SHOP-ის მხარდაჭერის გუნდისათვის ელექტრონულ მეილზე contact@pmushop.ge შეტყობინების გაგზავნის გზით. 
2)    თუ პროდუქტის დაბრუნება შეუძლებელია წინამდებარე დოკუმენტში მითითებული საგამონაკლისო რომელიმე საფუძვლის გამო, აღნიშნულთან დაკავშირებით გეცნობებათ PMU SHOP-ის მიერ შეტყობინების მიღებიდან 48 საათის განმავლობაში და ნივთი დაგიბრუნდებათ უკან.
3)    PMU SHOP-ის წარმომადგენლები განაცხადის მიღებიდან მაქსიმუმ 24 საათის განმავლობაში დაგიკავშირდებიან ნივთის დაბრუნების პროცედურასთან დაკავშირებით.
4)    თუ პროდუქტი ექვემდებარება უპირობოდ დაბრუნებას, თანხის ანაზღაურება მოხდება შეტყობინების მიღებიდან მაქსიმუმ 5 სამუშაო დღეში.
5)    თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.

5.    უპირობოდ დაბრუნებას არ ექვემდებარება საქონელი, თუ:

1)    შეძენილი პროდუქტი მალფუჭებადია ან მას მოკლე ვარგისობის ვადა აქვს.
2)    პროდუქტი ჰერმეტულად დაცული საქონელია, მისი ჰერმეტულობა მიწოდების შემდეგ დაირღვა და ამდენად პროდუქტის დაბრუნება შეუძლებელია ჯანმრთელობის ან ჰიგიენური ნორმების დაცვის გამო.
3)    მიწოდებული პროდუქტი მიწოდების დროს მისი მახასიათებლებიდან გამომდინარე, განუყოფლად შეერწყა სხვა პროდუქტს.
4)    პროდუქტი არის დალუქული აუდიო-ვიდეო ჩანაწერი ან პროგრამული უზრუნველყოფა და მისი ლუქი მიწოდების შემდეგ დაირღვა.
5)    პროდუქტი წარმოადგენს ჟურნალ-გაზეთს ან სხვა სახის პერიოდულ გამოცემას (გარდა იმ შემთხვევისა, როდესაც მათი/მისი მიწოდების საფუძველი სააბონენტო ხელშეკრულებაა).
6)    პროდუქტი წარმოადგენს სპორტული ან კულტურული ღონისძიების ბილეთს, გარდა იმ შემთხვევისა, როდესაც ხელშეკრულებით განსაზღვრულია აღნიშნული ბილეთის დაბრუნების შესაძლებლობა, წესი და პირობები.
7)    პროდუქტს არ ახლავს შეძენის დროს გადაცემული ყველა თანმხლები ნაწილი და/ან დოკუმენტი.
8)    მომხმარებლის მიერ დაზიანებულია შეფუთვა (ყუთი, პარკი, ლუქი), რომლის პირვანდელ მდგომარეობაში მოყვანა შეუძლებელია (არ იგულისხმება შეფუთვის გახსნა).

6.    მომხმარებლის მიერ პროდუქტის ჩაუბარებლობის შედეგი. თუ მომხმარებლის ბრალეულობით ვერ განხორციელდა საკურიერო კომპანიის მხრიდან PMU SHOP-ს პლატფორმაზე შეძენილი პროდუქციის ჩაბარება მის მიერ მითითებულ დროს/მისამართზე, PMU SHOP-ის მხარდაჭერის გუნდი გონივრულ ვადაში განმეორებით დაუკავშირდება მომხმარებელს და დააზუსტებს პროდუქციის ჩაბარებისათვის სასურველ დროს/მისამართს. თუ მომხმარებლის ბრალეულობით განმეორებით ვერ მოხდება მასთან დაკავშირება ან მომხმარებლისათვის შეძენილი პროდუქციის განმეორებით ჩაბარება მომხმარებლის მიერ სასურველი დროის მონაკვეთში/მისამართზე, PMU SHOP იტოვებს უფლებას გააუქმოს შეკვეთა ამგვარი შეკვეთის განხორციელებიდან 10 (ათი) დღის შემდეგ და დაუბრუნოს მომხმარებელს მის მიერ გადახდილი თანხა მისი გაუქმებიდან არაუგვიანეს 5 (ხუთი) დღისა.